Презентација
Откако ќе ја креирате и уредите вашата презентација, мора да размислите и на самото презентирање. Power Point нуди многу алатки кои можат да му помогнат на презентерот во текот на презентирањето.
За да го стартувате слајд-шоуто и да се движите меѓу слајдовите, користете ги истите опции како и при тестирање на презентацијата кои беа објаснети претходно.
Доколку во текот на презентирањето имате потреба да го привлечете вниманието на публиката, а презентацијата треба да биде скриена, направете го тоа со црн или бел екран, односно Black Screen, White Screen, соодветно. Опциите ќе ги најдете во лентата со менија која се отвора со десен клик на слајдот, во Slide Show преглед. Од оваа лента изберете ја опцијата Screen.
Уште поедноставно, за време на презентирањето изберете B за црн екран и W за бел.
Во текот на презентирањето може да внесувате и белешки на слајдовите. Од истата опција Screen, изберете Speaker Notes. Со тоа ќе ви се отвори дијалог-прозорецот Speaker Notes, во кој може да ја внесете забелешката за слајдот.
При презентирањето, доколку сакате да потенцирате или да заокружите одредени делови, направете го тоа со промена на покажувачот на глушецот. Тој може да се промени во пенкало, односно Ballpoint pen, фломастер, односно Felt Tip Pen и обележувач, односно Highlighter. Промената направете ја со клик на копчето Pen во лентата со мени во Slide Show преглед.
За дополнителни уредувања на слајд-шоуто користете го дијалог-прозорецот Set up Show до кој ќе дојдете преку менито Slide Show.
Тука, на пример, може да дефинирате кои слајдови да ги прикажете, како да биде менувањето на слајдовите, да го уредите презентирањето при користење на повеќе монитори и слично.
http://akcija.mk/prezentatsija/Изработување презентации во Power Point 2003