Промотивен настан на проектот „Општина Струмица – отчетна, партиципативна и транспарентна општина по мерка на граѓаните”
Здружението „НОВУС “ во рамки на „Мрежата од граѓански организации за ефикасно активно учество“, започна со имплементација на проектот „Општина Струмица – отчетна, партиципативна и транспарентна општина по мерка на граѓаните”. Настанот со на кој беше промовиран проектот, а воедно и обележано неговото започнување, се одржа на 13.05.2015 во Хотел Сириус, Струмица.
„Целта на овој проект е да се дојде до релевантни и сеопфатни податоци за тоа колку граѓаните и граѓанскиот сектор се задоволни од услугите што ги нуди единицата на локалната самоуправа, како и да се детектираат евентуалните слабости во работењето на општината во насока на транспарентно, отчетно и ефикасно работење. Во склоп на проектот ќе бидат реализирани интервјуа со раководители на сектори во општина Струмица, ќе бидат организирани 2 панел дискусии и ќе биде спроведена јавна анкета меѓу граѓаните на прашања поврзани со отчетност, транспарентност и партиципативност на општина Струмица и истите ќе бидат вметнати во финалниот продукт – студијата која што ќе ја промовираме кон крајот на месец јуни“ – рече Ѓорги Милушев од здружението „НОВУС“.
Здружението на средбата со НВО организациите од Струмица ја потпишаа Декларација за формирање на мрежа од граѓански организации за ефикасно активно учество.
Мрежата од граѓански организации за ефикасно активно учество прeтставува платформа за соработка на граѓански организации, неформални инцијативи и поединци кои работат на полето на доброто владеење. Таа се стреми кон унапредување на доброто владеење како еден основните предуслови за демократизација на општеството и напредок во евро-атланските интеграции на РМ. Мрежата од граѓански организации за ефикасно активно учество се залага за своите идеи преку развивање на заеднички ставови и нивно промовирање пред националните и локални институции преку изготвување на документи и извештаи, спроведување на кампањи, медиумски промоции, учество на конференции и семинари, како и редовни средби со претставници на институциите и другите релевантни актери.
http://akcija.mk/promotiven-nastan-na-proektot-opshtina-strumitsa-otchetna-partitsipativna-i-transparentna-opshtina-po-merka-na-graganite/http://akcija.mk/wp-content/uploads/2015/07/11086635_10153296011809581_330705926_o-1024x683.jpghttp://akcija.mk/wp-content/uploads/2015/07/11086635_10153296011809581_330705926_o-300x300.jpgВестиНастаниПромотивни настани