Општинските веб-страници под лупа: Транспарентноста на општините при објавување информации од јавен карактер
Тимот на Здружението Млади Европски Федералисти – Куманово (ЏЕФ Македонија) со задоволство Ве поканува на презентација на наодите од истражувањето „Општинските веб страници под лупа – транспарентност на општините при објавување на информации од јавен карактер“, со посебен фокус на скопските општини, вклучително и Град Скопје.
Истражувањето е спроведено во рамки на проектот „Советниците дискутираат, граѓаните читаат. Како до потранспарентни локални совети?“, кој има за цел да ја зголеми транспарентноста и пристапот до информации од јавен карактер на локално ниво, како предуслов за ефективен граѓански ангажман и влијание врз одлуките на општинските совети. Истиот е имплементиран во рамки на проектот „Мрежа од граѓански организации за ефикасно граѓанско учество“ спроведен од Метаморфозис и Македонски центар за европско образование.
